Dita Botërore e foshnjeve të lindura para kohe – Një pjesë e Klinikës së Neonatologjisë ndriqohet me ngjyrë vjollcë

18:07 | 17 Nëntor 2024
E.G

Një pjesë e Klinikës së Neonatologjisë në QKUK, sonte është shndërruar në ngjyrë vjollcë, duke shënuar në mënyrë simbolike, 17 nëntorin, Ditën Botërore të foshnjeve të lindura para kohe.

Sipas njoftimit, përveç ngjyrës vjollcë, që simbolizon ndjeshmërinë dhe veçantinë, linja e çorapeve është bërë një simbol i Ditës Botërore të foshnjave të lindura parakohe, shkruan Arbresh.info.

“Çorapet e vogla purpur, të rrethuar nga nëntë çorape bebush të plotë e simbolizojnë, 1 në 10 fëmijë që lindin. Kjo datë është një nga ditët më të rëndësishme të vitit për të rritur ndërgjegjësimin për sfidat dhe barrën e lindjes para kohe në mbarë botën.”, thuhet në njoftimin e SHSKUK-së.

SHSKUK njofton se sipas statistikave nga profesionistët shëndetësorë, rreth 15 milionë foshnja lindin para kohe çdo vit, që përbën rreth një, në 10 foshnje të lindur parakohe në mbarë botën./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm